АБ 1001 Байгууллагын үндсэн мэдээлэл (1) ЭНД ДАРЖ ОРХОН АЙМГИЙН УС ЦАГ УУР, ОРЧНЫ ШИНЖИЛГЭЭНИЙ ТӨВИЙН ҮНДСЭН МЭДЭЭЛЭЛ АВНА УУ

Газрын гэрчилгээ-Контор Энд дарж тус байгууллагын газрын гэрчилгээтэй танилцана уу

Тодорхойлолт-Контор Энд дарж тус байгууллагын конторын барилгын тодорхойлолттой танилцана уу

ОРХОН АЙМГИЙН УС ЦАГ УУР, ОРЧНЫ ШИНЖИЛГЭЭНИЙ ТӨВИЙН ТҮҮХЧИЛСЭН ЛАВЛАХ

Тухайн үеийн Сайд нарын зөвлөлийн харъяа Ус цаг уурын албыг удирдах ерөнхий газрын даргын “Ус, цаг уурын шинжилгээний станц нээж ажиллуулах тухай” 1972 оны 135 тоот тушаалаар Булган аймгийн УЦУ-ын товчооны харъяанд ус цаг уурын шинжилгээний “Эрдэнэт-овоо” станцыг уур амьсгалын 4 хугацааны ажиглалттай байгуулж, 1975 оны эхнээс уур амьсгалын 8 хугацааны ажиглалтанд оруулсан. Эрдэнэт-Овоо станцын анхны ажилтанууд нь /4 хүний орон тоотой байв/.

Эрдэнэт хот 1976 оны 01 сарын 01-нээс улсын харъяалалтай хот болоход Эрдэнэт-овоо станцыг Булган аймгийн Ус, цаг уурын товчооны бүтцээс салгаж 29.4 мянган төгрөгний төсөвтэй бие даасан байгууллага болгож 1976 оны 06 сарын 01-ээс станцын даргаар Д.Нямдавааг томилов.

Судалгааны ажлын хөтөлбөр аажмаар нэмэгдэхийн хэрээр 1978 оны 12-р сарын 25-нд байгаль орчны харуулын ажиглагч 1, цэвэрлэгч 1, Улаантолгойн ХАА-н харуул, Хялганатад ус, зүйн харуул байгуулагдан тус станцын харъяанд ажиллаж эхэлжээ.

БНМАУ-ын СнЗ-ийн 1981 оны 02 сарын 5-ны 147 дугаар тогтоол УЦУАУЕ газрын даргын 1981 оны 03 сарын 21-ний 33 тоот тушаалаар Эрдэнэт хотын Ус, цаг уурын товчоог байгуулах шийдвэр гарч товчооны захиргааны орон тоог дарга 1, техник байцаагч 1, нябо 1, нярав 1 байхаар баталжээ.

МАХН-ын Төв Хороо, БНМАУ-ын СнЗ-ийн 1980 оны 21-р тогтоолын 13-р зүйлийн 01-д заасныг үндэслэн 1981 оны 09 сарын 10-нд УЦУ-ын урьдчилан мэдээлэх группийг ахлах инженер 1, синоптик инженер 3, холбооны инженер 1, техникч 3, оператор 3-4 орон тоотойгоор шинээр байгуулж, ОХУ-ын / “Иней-П” Факсийн аппарат, Р-250 радио станц, телеграфийн СТ аппарат/ тоног төхөөрөмжөөр тоноглосон байна.

БНМАУ-ын СнЗ-ийн 1987 оны 128 ХНХ улсын хорооны 133-р тогтоолоор 1987 оны 06 сарын 23-нд Ус цаг уурын товчоог ус цаг уурын газар болгон өргөтгөв.

Эрдэнэт хотын АХГЗ-ны 1993 оны 9-р сарын 23-ны 153-р захирамжаар бүтэц зохион байгуулалтын өөрчлөлт орж Ус цаг уур орчны шинжилгээний төвийг байгуулж захирлаар нь Сүрэнгийн Отгонбаатарыг томилсон. Засгийн газрын агентлагийн эрх зүйн байдлын тухай” хуулийн 8 дугаар зүйлийн 8.3.5, 8.4, “Ус цаг уур, орчны хяналт шинжилгээний тухай” хуулийн 6 дугаар зүйлийн 6.2 дахь заалт Засгийн газрын 2008 оны 67 дугаар тотоол, Газрын даргын зөвлөлийн 2009 оны 03 дугаар сарын 06-ны өдрийн 04 дүгээр тэмдэглэлийн дагуу Орхон аймгийн Ус цаг уур, орчны шинжилгээний алба, газар, төвийн даргаар Сүрэнгийн Отгонбаатар ажиллаж байна.

Цаг уурын ажилалтын систем нэвтэрч Эрдэнэт-Овоо өртөө нь 1996 оноос цахим хэлбэрт шилжиж, 2004-2014 онд SK-4100 цаг уурын автомат станц, 2014 оны 7-р сараас AWS-310 автомат станц тасралтгүй 24 цагаар ажиллаж ЦУОШГ-ын серверт 8 хугацааны мэдээг дамжуулж байна. Өнөөгийн УЦУОШ-ний төв Орхон аймгийнхаа иргэд, аж ахуйн нэгж, байгууллагыг ус, цаг уур, орчны бохирдол, байгаль цаг агаарын аюултай болон гамшигт үзэгдлээс сэрэмжлүүлэн хамгаалах, гангийн болон хуурайшилтын үед газар тариалан, бэлчээр, зуншлагыг сайжруулах зорилгоор үүлэнд зориудаар нөлөөлж хур тунадас нэмэгдүүлэх “Орхон бороо-1” экспидец нь шинэ технологийг 2010 оноос эхлэн ашиглаж байна.

2016-2017 онд Байгууллагын гадна гэрэлтүүлэг, камержуулалт, дохиолол хамгааллын системийг бий болгосон. 2023 онд сүүлийн үеийн технологийг нэвтрүүлж шинээр камержуулалтыг хийж үйл ажиллагааг сайжруулав.

Байгаль орчны шинжилгээний лаборатори нь 2017 онд MNS ISO/IEC 17025:2007 стандартыг хангасан 1 дэх шатны итгэмжлэлийг авсан бол 2022 онд MNS ISO/IEC 17025:2018 стандартыг ханган 2 дахь удаагийн итгэмжлэгдсэн лабораторийн эрхийг авсан.

Өнөөдөр тус төвийн бүтэц нь:

1. Захиргаа төлөвлөлтийн хэлтэст: Захиргаа, төлөвлөлтийн хэлтсийн дарга бөгөөд мэдээллийн дэд сангийн зохицуулагч, ерөнхий нягтлан бодогч, хүний нөөцийн мэргэжилтан бөгөөд нярав, архив, бичиг хэргийн эрхлэгч, лабораторийн эрхлэгч, чанарын менежер, агаар хөрсний технологич инженер, ус хөрсний технологич инженер, лабораторийн техникч, техникч-жолооч, цаг агаарт нөлөөлөх ажиллагааны технологич инженер бөгөөд сүлжээ, аюулгүй ажиллагааны ажилтан, төвийн үйлчлэгч
2. Цаг уур технологи, мэдээлэл үйлчилгээний хэлтэст: ЦУТМҮХ-ийн дарга бөгөөд ХААЦУ-ын технологич инженер, урьдчилан мэдээлэхийн технологич инженер, Уур амьсгалын технологич инженер бөгөөд шалгалт, тохируулгын ажилтан, цаг уурын ажиглагч, Жаргалант суман дахь Хөдөө аж ахуйн цаг уурын харуулын ажиглагч гэсэн бүтэцтэй нийт 23 орон тоотой ажиллаж байна.

Засгийн газрын хэрэгжүүлэгч агентлаг Цаг уур орчны шинжилгээний газрын даргын тушаалаар батлагдсан Ус, цаг уур орчны хяналт-шинжилгээ мэдээллийн хөтөлбөрт ажлуудыг тус төвийн захиргаа аж ахуй, Эрдэнэт-Овоо цаг уурын өртөө, байгаль орчны шинжилгээний лаборатори, Жаргалант сумын ХАА-н цаг уур зэрэг салбарууд өөр өөрсдийн хариуцсан чиглэлээр гүйцэтгэж байна.

Эрдэнэт-Овоо станц, Ус цаг уурын товчоо, Ус цаг уурын газар, УЦУОШТ-ийн үе үеийн дарга, захирлаар доорх хүмүүс ажиллаж байлаа.

Дэлгэрэнгүй мэдээлэл авах эх сурвалж:

Захиргаа төлөвлөлтийн хэлтсийн дарга О.Хандмаа

Холбогдох утас: 99782558

Өрөөний дугаар: 108 тоот

email:orkhontsaguur@gmail.com

Цаг уурын технологи, мэдээлэл үйлчилгээний хэлтсийн дарга Д.Оюунбат
Холбогдох утас: 99353904
Өрөөний дугаар: 106 тоот
email:orkhontsaguur@gmail.com