Сургалтыг Гэр бүл, хүүхэд хөгжил, хамгааллын газрын Гэр бүлийн хөгжлийн асуудал хариуцсан ахлах мэргэжилтэн Ж.Сувдаа удирдан чиглүүлж:

• Гэр бүлийн үнэ цэнэ, харилцаа, хандлага

• “Бүх хайраа гэр бүлдээ” төслийн танилцуулга

• Эцэг эхийн зөвлөлийн тухай

• Гэр бүлийн хүчирхийллийн тухай

зэрэг сэдвүүдээр мэдлэг, мэдээлэл олголоо.

“Бүх хайраа гэр бүлдээ” төсөл хэрэгжүүлэх үндэслэл:

1. Гэр бүл салалт-Гэр бүл цуцлалтын тоогоор Орхон аймаг сүүлийн 3 жилийн байдлаар аймаг, нийслэлтэй харьцуулахад хамгийн өндөр үзүүлэлттэй байна.

2. Хүүхдийн эрхийн зөрчил Хүүхдийн тусламжийн 108 утас-Орхон аймгаас ирж буй дуудлагын тоо өмнөх онтой харьцуулахад 2.1%-р өссөн ба эдгээрийн 80+ хувь нь эцэг эхээс хүүхдийн эрхийг зөрчсөн, гэр бүлийн орчинд хүүхэд хохирч буй дуудлага байна. Энэ нь гэр бүлийн орчин дахь харилцаа хандлага, төлөвшилтэй холбоотой.

3. Гэр бүлийн хүчирхийлэл- Гэмт хэргийн статистикаас үзэхэд, гэр бүлийн орчин дахь хүчирхийллийн улмаас үйлдэгдэж буй гэмт хэрэг огцом нэмэгджээ.

#бүххайраагэрбүлдээ #гэрбүл