Дадлага сургуульд ОБЕГ-ын харьяа Үндэсний аврах бригад, НОБГ-ын алба хаагчид, Нийгмийн эрүүл мэндийн үндэсний төв, Нийслэлийн Байгаль орчны газрын мэргэжилтнүүд хамтран оролцсон юм.

Энэ үеэр химийн ослын үеийн хамтын ажиллагаа, байгууллагуудын уялдаа холбоо, шуурхай хариу арга хэмжээний бэлэн байдлыг шалгаж, харилцан туршлагаа солилцлоо.

Тус сургалтыг Байгаль орчин, уур амьсгалын өөрчлөлтийн яам, Онцгой байдлын ерөнхий газар хамтран химийн хорт болон аюултай бодистой холбоотой хууль тогтоомж, дүрэм журам, стандартыг сурталчлах, химийн ослоос урьдчилан сэргийлэх мэдлэг, ур чадварыг нэмэгдүүлэх хүрээнд хоёр өдрийн хугацаанд зохион байгуулсан юм.